Хусанта Чӑваш культурин кунӗсем пулаççӗ

Октябрӗн 5-мӗшӗнче 11.00 сехетре ачасем валли чăваш тӗррипе паллаштаракан мастер-класс  иртет. Çак кун ачасем  чăваш тӗррипе, эрешсен символикипе, тӗрлӗ çӗвӗсен вăрттăнлăхӗпе паллашӗç.

Октябрӗн 6-мӗшӗнче юрӑ пултарулӑхне кӑмӑллакансем чӑваш эстрада артисчӗсен концертне кайса курма май пулать.

Октябрӗн 7-мӗшӗнче 18.00 сехетре «Улах» иртет.  Ӗлӗк-авалтан каçхине хӗрсем ал ӗç тума ялти пӗр киле пуçтарăннă, каччӑсем вӗсем патне хăнана пынă. Çамрăксем пӗрле юрланă, ташланă, халӑх вӑййисем вылянă.

Октябрӗн 9-мӗшӗнче 18.00 сехетре чӑваш çамрӑкӗсен тӗлпулăвӗ иртет.

Октябрӗн 10-мӗшӗнче   искусствăна кăмăллакансем Раççей тава тивӗçлӗ художникӗн Владимир Акимовӑн пултарулӑхӗпе паллашма пултараççӗ, Хусанта унăн ӗçӗсен куравӗ 11.00 сехетре ӗçеме пуçлать.  Владимир Акимов – Самара облаçӗнче çуралса ӳснӗ чӑваш. Хальхи вӑхӑтра Çырчаллинче пурӑнать. Пултаруллӑ ӳнерçӗн картинисенче чӑваш ялӗн сӑн-сӑпачӗ, шӳт, арт-искусство пысӑк вырӑн йышӑнаççӗ.

Октябрӗн 11-мӗшӗнче «Тутарстан Чӑваш пики 2025» республика конкурсӗн финалӗ иртет, мероприяти 15.00 сехетре пуçланать.  Хусанта çак кун  чăвашсем чи илемлӗ, чи пултаруллă, тăван культурипе йӑлисене тарӑн пӗлекен пикене суйлаççӗ.