Фронта пулăшнăшăн тав тунă
Ульяновск хулинче пурăнакан çар ветеранӗсем Чăваш Енри Муркаш районӗнче пулнă. Делегацие пирӗн ентеш, отставкăри офицер Владимир Ярухин ертсе кайнă.
Муркаш ялӗнчи шкул тата район çыннисем ятарлă çар операцине хутшăнакансене пулăшнă çӗре хастар хутшăнаççӗ. Çар ветеранӗсем фронта пулăшакансене тав туса вырăнти шкула «За содействие СВО» медаль панă тата Мӑн Сӗнтӗр ялӗнчи чи хастар волонтерсене çар чаçӗн командованийӗ ятӗнчен Тав çырӑвӗпе чысланă.
Ульяновск хулинче пурăнакан çар ветеранӗсем Украинăри ятарлă çар операцийӗ пуçланнăранпа фронта машини-машинипе гуманитари пулăшăвӗ леçеççӗ. Ку енӗпе вӗсем Ульяновск хулипе облаçӗнчи, Çӗпрел районӗнчи тата Чăваш Енри çар ветеранӗсемпе тачă çыхăнса ӗçлеççӗ.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев